UNHA VISITA AO CPI DE MONDARIZ

O pasado día 17 de abril tivemos a sorte de contar cunha visita moi especial .

Elena Pardo Corominas , mestra de Educación Infantil da EEI de Valladares , que nos veu visitar ao noso centro e contounos cousas sobre a súa biblioteca , sobre como funciona e que cousas fan .

Deunos moitas ideas para traballar , trouxonos libros e contos moi interesantes . Ata nos contou un conto aos profes , " A que sabe a Lúa" , seguro que o coñecedes .

Esperamos poñer en práctica pronto algunha das súas propostas.

Aqui vos deixo unhas imaxes do que estivemos facendo.

CHEGADA DO VERME PAPALIBROS

Como xa supoño que sabedes , a nosa mascota xa chegou o CPI de Mondariz . Para iso todos xuntos preparamos un xardín moi florido para darlle a benvinda . A partir de agora este simpático verme vaivos acompañar nas vosas aventuras no mundo da lectura.

Tamén vos quero dicir que estamos a traballar nunha pequena sorpresiña da que pouco a pouco vos iredes enterando.

Un saúdo .

Proverbio Hindú

Un libro aberto
é un cerebro que fala;
pechado , un amigo que espera;
esquecido, unha alma que perdoa;
destruído , un corazón que chora .

PASAPORTES LECTORES

Aquí os tedes , estes son os vosos pasaportes lectores , durante esta semana os titores iranos repartindo .

Como vedes teñen cores diferentes , coincidindo coa clasificación dos libros na Biblioteca , puxemos cada ciclo dunha cor .

Os nenos e nenas de Educación Infantil teñen o pasaporte de cor vermella , os de 1º ciclo de cor amarela , os de 2º ciclo de cor verde e por último os de 3º ciclo de cor azul .

Esperamos que vos gusten e que os usedes moito .

POR FIN TEMOS MASCOTA !!!

Despois de todo este tempo de espera por fin vos podo anunciar que xa temos gañador do Concurso de Mascotas.

Non é outro cun feitiño verme de moitas cores que debuxou Irene de 4 anos , chamase " O VERME PAPALIBROS " .

Dende agora vai ser o encargado de axudarvos a devorar libros e mais libros da nosa Bibliomóbil .

E para darlle a benvida estamos a preparar un xardín moi florido no que o noso verme se sinta coma na casa ( estade atentos a entrada do cole ! )

Durante os próximos días vanse a repartir os PASAPORTES LECTORES da nosa Bibliomóbil , un para cada neno/a , nos que iredes apuntando os libros que leades cada semana , xa veredes que chulos son .

Se tendes un momentiño esta páxina está moi ben .

http://www.pequenet.com/libros/tema.asp

Concurso para elexir a mascota da Biblioteca do noso centro .

Para a elección da mascota da nosa biblioteca puxemos en marcha un concurso no que está a participar todo o alumnado . Aquí vos mostro algúns dos debuxos presentados .

Estes son algunhas das propostas , nos próximos días levarase a cabo a votación .

Cada un ten un número , así que votade polo que mais vos guste .

O gañador ou gañadora publicarase no blog a semana próxima .

Sorte a todos .

OS LIBROS VAN DE EXCURSIÓN

Moi pronto no CPI de Mondariz os libros van sair da biblioteca para achegarse aos nenos e nenas de Educación Infantil e Primaria .

Estade atentos , pois tamén vos imos presentar a nova mascota da nosa biblioteca e algunha novidade mais .

Nos próximos días xa volo contaremos .

Ata pronto .

Celebra o Samaín dentro dun libro

Ola de novo lectoras e lectores asustados polo Samaín. Durante este mes de novembro a Biblioteca do CPI de Mondariz saca os seus libros máis terroríficos ao pasillo, para morrer de medo mentras debullamos contos, novelas e outras historias nas que atoparemos bruxas, trolls, demos e algún que outro profesor enfadado.

Non o perdades. Levade os libros para casa que son para ler de noite ao abeiro dunha candea e co vento petando nas ventanas.

Inaugurado o novo blog da Biblioteca do CPI de Mondariz

Xa estamos na rede, benvidos ao novo blog da biblioteca do CPI de Mondariz. Moi pronto recibiredes novas sobre o préstamo, novidades, e outros temas do voso interese relacionados co mundo da lectura.